Чечен Ресубликасынын улуттук экономика, тышкы байланыш жана маалымат министри Жамбулат Умаров Грозныйда ырчы Зелимхан Бакаевдин дайынсыз жоголушу тууралуу жергиликтүү басылмаларга чыккан маалыматты “сандырак” деп атады.
Аткаминердин айтымында, ырчы “бир нече убакыттан кийин” чоо-жайын билдирет. РБК кабарлагандай, министр ырчы учурда кайда экенин айткан жок.
Бакаев 8-августта Грозный шаарында аскер формачан кишилер тарабынан кармалган. Ырчынын жоголушу тууралуу маалыматты бир нече булак тастыктады. Бакаев Ингушетия, Дагестан жана Москва сахналарына чыгып жүргөн. Анын музыкасы республика үчүн жат деген шылтоо менен Чеченстанда чыгармачылыгына тыюу салынганы айтылып келген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ