Келишимдеги шарттар боюнча чех компаниясы Кыргызстандын “Русгидрого” болгон 37 миллион доллар карызын төлөшү керек болчу. Бул туурасында 18-сентябрдаЧехиянын “Liglass Trading CZ, SRO” компаниясынын башкы директору Михаэль Смелик маалымат жыйынында жогорку Нарын каскадына ГЭС куруу боюнча 37 миллион долларды качан төлөй тургандыктары жөнүндө жооп берүүдөн баш тартты. Ал журналисттердин “Каражатты качан төлөйсүздөр?”- деген суроосуна компания буга чейинки тажрыйбаларын эске алуу менен журналисттер менен сүйлөшүүнү каалабай турганын билдирди. Минтип буйтактатып ачык айтпай жатканына караганда, төлөбөй турганы билинип калды. Демек буга дейре айтылып келе жаткандай, чындап аферисттер окшойт. Эгер белгиленген бир айлык мөөнөттүн ичинде акча которбосо келишимди токтотобуз деген өкмөт башчы Сапар Исаков эмне дээр экен?
Булак: “Фабула”
КОММЕНТАРИЙ КАЛТЫРУУ