Шайлоонун экинчи туру өтөбү?

Экс-президент Роза Отунбаева БШК мүчөлөрүнөн шайлоонун 2-туру боюнча да даярдык көрүп, мөөнөтүн так белгилеп коюуну суранды.

“Бир нерсе белгисиз болуп жатат – кайра шайлоонун (2-турдун) мөөнөтү белгисиз. Ушуну силер, шайлоо комиссиясы башка органдар менен биргеликте чечишиңер керек да. Муну биздин коомго айтыш керек. Бул болсо биздин баягы авторитардык режимдин инерциясыбы, “экинчи тур болбойт” деген маанидеби, же болбосо балким бийлик “биринчи турдан эле алып кетебиз” дегендин негизиндеби, унчукпай жатасыңар бирок, кайра шайлоонун мөөнөтүн сөзсүз айтышыңар керек. Бул да демократичный бир белгиси, келечегибиздин, саясий процесстин туруктуулугун көрсөтө турган бир ченем. Биз силер менен эки жолу жолуктук, ошол эле суроолор кайта-кайта чыгып жатат. Ал эми силердин телевидениеден сүйлөгөнүңөрдө биз суроолорубузга жооп таба албай жатабыз” – деди Р. Отунбаева.

Булак: “Алиби”