Канчалык актагысы келишсе да Канатбек Исаевди эми темир тор артынан кылдай сууруп алууга шарт түзүлбөйт. Бир жагынан багы жок экен, Бабанову да куйругун түйүп сызып кетип өлкөгө кайрылбай жатат. Чынында ошого ишенип анын арыгын чабуу аркылуу өзүнө бийликтен жылуу орун тапкысы келгенин сокур киши деле байкаган. Аны кылтакка илген күч түзүмдөрү деле ашкеби эместир? Мен дегендердин акесин таанытып жаткан соң бир илинчеги болгону ырас да?
Көбүртүп-жабыртканга маштар тигилердин жакындарынан бирдемке өндүрүп алышканы үчүн кээде андай эмес деп актоого далбас урушаарын деле танууга болбойт. Ал тургай коркунучтуу террорчуларга деле “мээрими” төгүлгөндөр бар экенин көргөнбүз. Демек, К.Исаевдин акыбалы дурус дегенден алыспыз. Миллиондорду алаканга салып ойногондой ал цирктин клоуну эместир? Демек, аны катаал жаза күткөндөй сезилет. Акыйкатында өкмөттүн укуругу узун, абайлап иш кылбасаң кекиртегиңен илинип каласың.
Булак: “Жаңы Ордо”
КОММЕНТАРИЙ КАЛТЫРУУ