Экс-президент Алмазбек Атамбаевдин ишенген адамы Икрамжан Илмияновдун Малайзия менен Индонезияга элчи болуп аттанышы күтүлүүдө. Бирок маалыматты азырынча Жогорку Кеңеш жана Тышкы иштер министрлиги тактай элек. Бирок бул маалымат коомчулукта кеңири талкууланып жатат. Азырынча чын-төгүнү белгисиз болгону менен, Илмиянов элчи болгон күндө дагы Кыргызстандын кызыкчылыгын чет өлкөдө татыктуу коргоп, өлкөгө пайда алып келе алабы деген суроого кызыккандар арбын. Икрамжан Илмиянов Алмазбек Атамбаевдин айдоочусу болуп жүрүп, кийин президенттик аппараттын орун басары жана кеңешчиси болуп иштеген. Атамбаевдин тушунда көшөгө артында көмүскө иштерди бүтүргөн «серый кардинал» катары таанылган.
Булак: “Фабула”
КОММЕНТАРИЙ КАЛТЫРУУ