Өзбекстан Мусулмандар дин башкармалыгынан маалымдашкандай, мурда соттолгон жарандар имам «Аль-Бухари», мемориалдык комплексин жана Самарканддагы Өзбекстандын биринчи президенти Ислам Каримовдун бейитин зыярат кылышты.
Өзбекстанда диний айыптар менен соттолуп, былтыр президент Шавкат Мирзиёевдин ырайымы менен эркиндикке чыккан жарандар үчүн Самарканд облусуна эки күндүк зыярат уюштурулду.
2017-жылы декабрда Конституциянын 25 жылдык мааракесине карата 2700 кишиге мунапыс жарыяланган.
Өткөн жылы Өзбекстан түрмөлөрүнөн 14 саясий туткун – көз карандысыз журналисттер, саясий партиялардын активисттери жана укук коргоочулар – Мухаммад Бекжан, Аъзам Фармонов, Солиджон Абдурахманов, Бобомурод Раззаков, Ганихон Маматхонов, Агзам Тургунов, Рустам Усманов, Самандар Куканов, Эркин Мусаев, Ботирбек Эшкузиев, Бахром Ибрагимов, Даврон Кабилов, Даврон Таджиев и Мухаммад Карабаев бошотулган.
Эл аралык Human Rights Watch укук коргоо уюму маалымдагандай, учурда өлкө түрмөлөрүндө 12 укук коргоочу жана журналист отурат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ