Гульнара – Клара Саматтын жарандыгын ким текшерет?

«Ата Мекенчилерден» кутулууну көздөгөн кыргыз бийлигинин «чекеси ысыбай» турган өӊдөндү. Бишкек шаардык сотунун чечими күчүнө кирсе Аида Салянова мандатынан айрылат. Бирок, анын ордуна тизме боюнча келе турган Гульнара-Клара Саматтын «аркасында калбыры» бар экен. Тактап айтканда Клара Кабилованын орус жарандыгына ээ экендиги буга чейин дагы ЖМКларда кеп болгон . «Жел жүрбөсө чөптүн башы кыймылдабайт» эмеспи, БШК дагы бул маалыматты тактай албай эки анжы болуп жатыптыр. Эгер ал тактаганга чыгынбаса чын эле Гульнара-Клара Саматтын жарандыгын ким текшерет?