Мындан 10 жыл мурун башталган программа жемишин берип, кыргыз жарандарын Түштүк Кореяда жумушка орноштуруп келүүдө. Анын негизинде жыл сайын Түштүк Кореяга Кыргызстандан 350дөй адам кетет. Жакында дагы 116 адамга эмгек келишими келип, азыр жумушка кетчүлөр тандалууда. Тилекке каршы, тандоо жең ичинен жүрүп жатканы бизге жетти. Коррупциянын негизинде ишке ашууда деген дооматтар айтылууда. Маалыматтарга караганда, Өкмөткө караштуу миграция кызматынын төрагасы Медетбек Айдаралиев ишти жеке көзөмөлдөп, өңчөй жек-жаатын киргизип, капчыгын кампайтканга аракеттенип жаткандай. Тизменин жоон тобун жалалабаттыктар менен аксылыктар түзгөнү каңкууланууда. Бул эмнеси? Жердешчилик менен жерге киребизби?
Булак: Де-Факто
КОММЕНТАРИЙ КАЛТЫРУУ