Өзбекстанда ажатканадан мобилдик телефонду алабыз деген үч киши мерт болду

Өзгөчө кырдаалдар министрлиги кабарлагандай, окуя 26-мартта Пап районундагы үйлөрдүн биринде болгон.

Үй кожоюну мобилдик телефонун ажатканага түшүрүп жиберип, кошунасын жардамга чакырган. Ал аңга түшүп, эс-учун жоготуп койгон. Аны куткаруу үчүн дагы эки эркек аңга түшкөн. Баары деми кысылып, мерт болгон.

Өзбекстан ӨКМи буга окшогон кырдаал жаралса, куткаруучуларды жардамга чакырууга үндөйт.

Булак: “Борбор Азия жаңылыктар кызматы”