Ой-тобоо, эртең бир чоочун конок мекенибизге келсе, билбегенинен “Апрель” телеканалын сайса, ал жактагы Ложников, Королевич жана Каниметовтордун репортаждарын көрүп: “бул өлкөдө элдик жана чынчыл оппозициянын курамы Исаков, Сегизбаев, Жолдубаева, Кулматовтордон турат экен” дейт болуш керек. Чын эле, жакында ошол телеканалды көрүп, анын сыйкырына алданган мекендештерибиз дагы ортодон чыгышы мүмкүн. Так ушулар кечээ күнү эле куугунтукту уюштуруп, өздөрү мекендин тагдырын, миллиондогон элди жаш баланын тамашасындай “волейбол” ойногондорун унутуп калдыкпы бат эле? Арыдан бери бололучу! Эй, Эрнис Кыязов, сен “Бешинчи каналга” жаңы директор болуп келгениң кут болсун! Каналды жүз миллион сом карызга батырып, Малеваннаянын сүйүктүү кадрлары эми Атамбаевдин миллион долларлары менен элдин мээсин айлантуу боюнча чеберчиликтерин улантууда. Бирок мамлекеттик “Бешинчи каналды” сызга отургузгандары аз келгенсип, элдик мүлккө тийиштүү Фейсбук баракчаларына чейин алып кетип калышкандары эмне? Азыркы заманда ошол баракча негизги капитал катары бааланганы, ал миллиондогон сомду төлөсөң дагы, бир күндө топтолбошун баардыгыбыз билебиз. Эл таламын талашып, уурдалган мүлктү кайтарып берүүнү талап кылышыбыз милдет. Болбосо, Эрнисбай, прокуратурага арыз жазгының. Эртең сен жооп берип калба ушул шумпайларга.
Булак: “Жаңы ордо”
КОММЕНТАРИЙ КАЛТЫРУУ