“Ата Мекен” фракциясынын депутаты Бахадыр Сулейманов Казакстандын жараны экенин Токон Мамытов айтып чыкты. Сулейманов 2010-жылы эле Казакстандын граждандыгын тапшырганын билдирди. Бирок казак жарандыгынан чыккан боюнча Казакстандын президентинин указынын атайын номери көрсөтүлгөн документтин жоктугу, ошондой эле Кыргызстандын президентинин граждандыкты берген указы жоктугун Токон Мамытов баса белгиледи. Ал түгүл, казак тарап 2013-жылы Сулейманов Казакстандын жараны экенин тастыктаган документ жиберген. Мындан улам, Бахадыр Сулейманов 2010-2013-жылдары Жогорку Кеңештин депутаты катары, мамлекеттик сырга ээ болуп, маяна алып жүргөнү үчүн жооп бериши керек. БШКнын өкүлдөрү да дагы бул боюнча жоопкерчилик тартууга тийиш.
Булак: “Фабула”
КОММЕНТАРИЙ КАЛТЫРУУ