КСДП фракциясынын депутаты Эльвира Сурабалдиева мурдагы президент Курманбек Бакиевдин уулу Максим Бакиев 6-апрелден тарта жазадан кутуларын айтып чыкты. Анын билдиришинче, Кыргызстан жалдаган Улуу Британиядагы адвокат кыргыз өкмөтү Бакиевге каршы доодон баш тартканын айткан.
Кыргыз мыйзамдары боюнча экономикалык кылмыштардын мөөнөтү алты жылда эскирет. “Мен Улуу Британия менен Кыргызстандын парламенттер аралык достук тобунун башчысы катары ошол жакка барып келдим. Максим Бакиев тууралуу сураганымда адвокаттар кыргыз өкмөтүнүн Бакиевге каршы доодон баш тартканын айтышты. Өкмөт мындай чечимин лондондук жактоочулары төлөп бергидей акчасы жок экендиги менен түшүндүрүптүр,– деди Сурабалдиева. Ал эми Өкмөттүн соттук өкүлчүлүгүнүн өкүлү Мирлан Дордоев депутаттын дооматын четке кагып, Максим Бакиевди жоопко тартуу боюнча иштер уланып жатканын билдирди. Ошентип Улуу Британия бийлиги менен соту Кыргызстанды каакым ордуна да көрбөй тургандыгын, бир мамлекеттен бир адамды жогору коңрун далилдеп койду. Биздин ак үйдөгүлөр эми эмне дешээр экен?
Булак: “Майдан.kg”
КОММЕНТАРИЙ КАЛТЫРУУ