Айдоочу уктап кеткен. Токмокко жакын жерде кырсыктан эки киши набыт болду

Mazda 6 унаасынын айдоочусу да, жүргүнчүсү да 43 жашта экени аныкталды. Унаа Ысык-Көлдү көздөй бараткан.

Айланма жолдун Токмокко жетпеген жеринде жол кырсыгынан эки киши каза болгонун Чүй об­лустук милициясы билдирди.

Алдын ала маалымат боюнча 1-июлда, болжол менен саат 11.00дөрдө Ысык-Көл тарапты көздөй бараткан Mazda 6 унаасынын айдоочу­су уктап кетип, каршы тилкеге чыгып кеткен. Натыйжада маңдайда келе жаткан Hyundai Porter машинасы менен кагышып, жеңил унаанын ай­доочусу да, жүргүнчүсү да көз жумган. Экөөнүн тең 43 жашта экени айтылууда.

Милиция туристтик сезондун башталганын, мындан улам айдоочуларга жол эрежесин бузбоону эскертет.

Булак: “Тамчы”