Бишкектеги №2 төрөт уйүнүн алдында келин көз жарды. Бул тууралуу социалдык тармактарда видео тарап, интернет колдонуучулар кызуу талкууга алышты.
«Тезинен саламаттык сактоо министри чара көрүшү керек. Тогуз толгоо тартып, жан-алы кетип, кейип турган айымды «каттоосу жок, тиги-бу» деп төшкө түртпөй, кабыл алып, жылуу мамиле жасаш керек эле… Адамгерчилик кайда? Эл депутаты болгон соң министрлик менен байланыштым. Бул иш тыкыр көзөмөлгө алыныптыр. XXI кылымда шалаакылыктын айынан ооруканада эмес көчөдө төрөгөнгө жол бергендердин жоопкерчилиги сөзсүз каралат» деп ЖК депутаты Жылдыз Мусабекова билдирүү таратты.
Булак: “Азия Ньюс”
КОММЕНТАРИЙ КАЛТЫРУУ