Өзбекстан быйыл Эгемендүүлүк майрамы алдында биринчи жолу чек арада Тажикстан жарандарынын өтүүсүнө чектөө киргизбейт. Бул тууралуу Asia-Plus агенттиги Тажикстандын күч түзүмдөгү өз булактарына таянуу менен билдирди.
“Учурда тажик-өзбек чек арасындагы бардык көзөмөл өткөрмө бекеттер штаттык режимде иштеп жатат. Аймакка коншу өлкөнүн жарандары чектөөсүз киргизилүүдө”, -деп билдирди өз булак.
Мурдагы жылдары өзбек тарап тажик жарандарынын чек арадан өтүүсүнө чектөө киргизилери тууралуу Эгемендүүлүк майрамына бир ай калганда билдирүү жөнөтчү. Өзбекстанда Көз карандысыздык майрамы жыл сайын 1-сентябрда белгиленет.
Булак: “Борбор Азия жанылыктар кызматы”
КОММЕНТАРИЙ КАЛТЫРУУ