«Оштун Ноокат районунда сарайга окшош, урап калуу коркунучундагы “Агарт” башталгыч мектеби тууралуу интернетке тараган маалымат чындыкка төп келбейт» деп билим берүү жана илим министрлигинин басма сөз кызматы кабарлап чыкты. Социалдык тармактарга тараган тасмада “Агарт” башталгыч мектебинде жыл сайын 14 окуучу билим ала турганы, мектеп урап калуу коркунучунда турганы айтылган. Тасмании автору видеону быйыл 21-сентябрда тартканын айтат.
Расмий эсепте ушул тапта Кыргызстанда 2262 мектеп бар. Аларда окуп жаткан балдар 1 миллион 300 миңдин тегерегинде. Ал эми 202 мектептин имараты жараксыз деп табылып, балдар коңшу айылдарда же жакын жердеги билим уяларына көчүрүлгөн. Айрым кыштактарда турак жайлар, чатырлар мектеп катары колдонулат. Муктаждыкты толук чечүү үчүн 600дөй мектеп курулушу керек.
Булак: «Азия ньюс»
КОММЕНТАРИЙ КАЛТЫРУУ