Тажикстанда ММК ишмердүүлүгү маалымат кодекси менен жөнгө салынат

Парламент депутаттары документ постсоветтик мейкиндикте биринчи жолу жазылып жатканын, аны даярдоодо журналисттердин жана ММК редакцияларынын пикирлери эске алынарын билдиришти. Тажикстандын медиа уюмдары жана журналисттери кодекске ММК ишмердүүлүгүн чектей турган мыйзам нормалары кирбейт деп үмүттөнүшүүдө.

Парламенттин эл аралык иштер, коомдук байланыш жана маалымат комитетинин башчысы Олим Салимзода жаңы кодексти даярдоодо телекоммуникация жана маалыматка тиешеси бар мыйзамдар, андан тышкары бул тармактагы эл аралык документтер изилденип жатканын айтты.

Тажикстан Көз карандысыз ММКлар ассоциациясынын төрагасы Нуриддин Каршибоев кодекске журналисттердин укуктарын жана милдеттерин да так жазуу керек деп эсептейт.

Булак: “Борбор Азия жаңылыктар кызматы”