4-ноябрь кечинде Камерундун батышында 79 окуучуну уурдап кеткен жикчилдер балдарды бошотту, бирок үч мугалимди дале барымтада кармашууда. Бул тууралуу окуу жайдын өкүлдөрү билдиришти.
Алардын айтымдарында, балдар «чарчаңкы абалда», бирок физикалык жактан жабыркаган эмес.
11-17 жаштагы окуучуларды уурдаган жикчилдер аймактагы француз тилдүү мектептерди жабууну талап кылышууда.
Интернетке жайгаштырылган видеотасмага ылайык, бул кылмыштын артында өздөрүн «Амба балдары» деп атаган топ турат. Булар Камерундун батышында англис тилдүү «Амбазония» мамлекетин түзүүнү каалап жаткан жикчилдер. Бийликтин маалыматына караганда, өлкөнүн батышындагы эки аймакта онго жакын англис тилдүү жикчил топтор бар. Алар бийлик өкүлдөрү, полиция жана аскер кызматкерлеринен тышкары, куралдуу күрөшүү идеясын колдобогон жай тургундарга дагы кол салышууда.
Балдарды бошотуу үчүн өлкө бийлиги аскердик-полициялык операция өткөргөн. Бирок азырынча анын ийгиликтүү болгон-болбогону белгисиз.
Булак: “Борбор Азия жанылыктар кызматы”
КОММЕНТАРИЙ КАЛТЫРУУ