Кыргыздын тыңчыкмаларынын арасында Тайырбек Сарпашевден кыйын жигит бар. Эгемендүүлүккө ээ болгондон бери ат үстүнөн түшпөдү. Башына кара булут айланып, кылмыш иши козголуп, кылтакка илинсе дагы самындай жылмышып, жазадан буйтап кетти. Жакында жазалоочу органдар ал ишти кайра жандандырган экен, Тайырбек мырза андан деле камырдан кыл сууругандай тездик менен кутулуп кетээрине ишенебиз. Таке бул жагынан өнөрү чоң. Тактап айтканда, тил тапкычтык жагынан астына ат салдырбайт. Ишиңизге ийгилик каалайбыз.
Булак: “Де-Факто”
КОММЕНТАРИЙ КАЛТЫРУУ