Грек-рим боюнча дүйнө чемпионатында күмүш медалга татыган балбан Жоламан Шаршенбеков Биргелешкен күрөш дүйнөсү (United World Wrestling) уюмунун рейтингинде үчүнчү сапка көтөрүлдү. Бул тууралуу уюмдун сайтындагы маалыматта айтылат.
Балбан Жоламан Шаршенбеков Будапеште өткөн дүйнө чемпионатында 55 салмактагы категорияда финалдык оюнга катышкандан кийин үчүнчү орунга көтөрүлгөн.
26-октябрда кыргызстандык балбан Жоламан Шаршенбеков грек-рим күрөшү боюнча дүйнө чемпионатында алтын байге үчүн күрөштө азербайжандык Элданиз Азизлиге жеңилип-(0:10), күмүш байге алган.
Дүйнө чемпионатынын жарым финалында Шаршенбековдон утулуп калганына карабай, биринчи орунда түрк балбаны Экрем Өзтүрк жайгашкан.
Шаршенбековдон тышкары рейтингдин үчүнчү тизмесинде 82 килограмм салмактагы балбан Атабек Азисбеков да бар. Будапеште өткөн дүйнө чемпионатында ал коло медаль үчүн күрөшүп, бирок байгени алдырып жиберген.
Булак: «Жаңы Ордо»
КОММЕНТАРИЙ КАЛТЫРУУ