Бүгүн, 27-ноябрда КСДП фракциясынын лидери Иса Өмүркулов мындан бир ай мурун гана КР Эмгек жана социалдык өнүгүү министри болуп дайындалган Улукбек Кочкоровдун ишин сынга алды. Министр “жарайт!” деп кутулду.
“Кыргызстанда 184 миң майыптар пособие алат, 687 миң пенсионер пенсия алат, сиздин функцияңыз акча таратуу эмес, сиз өлкөдөгү социалдык саясатты аныкташыңыз керек. Өткөндө бир үй-бүлөгө барып, сүрөткө түшүп чыгардыңыз, бир жылдан кийин ошол үй-бүлөнүн турмушу оңолобу? Мына, сиз барып кеттиңиз, оңолобу турмушу, кантип оңойсуз?” – деп такалады Иса Өмүркулов.
“Оңолбойт”, – деп жооп берди министр Улукбек Кочкоров.
“Анда ал аялуу үй-бүлөгө барып пиар кылыштын кереги бар беле? Пособиесин көтөрүп коюп барсаңыз болмок. Сүйлөгөндө алды-артты карап, факты менен сүйлөсөңүз…”, – деди Иса Өмүркулов.
КОММЕНТАРИЙ КАЛТЫРУУ