Якутск шаарынын жаңы мэри Сардана Авксентьеванын өзү иштей баштаган 3 айдын ичинде күтүлбөгөн чечимдери менен элге кеңири таанылды. Бул тууралуу 24-декабрда Россиянын “Комсомольская правда” басылмасы жазып чыкты.
Маалыматка ылайык, Якутск шаарынын мэри болуп 4 кылымдан бери биринчи жолу аял киши шайланган. Сардана Авксентьева мэриядагы жаңы жылдык корпоративдерге тыюу салып, аткаминерлердин кымбат баалуу унааларын аукционго коюп саттырып, акчасын шаардык казынага салдырган. Ошондой эле, автобустардагы жол киренин баасын азайтып, сапатсыз жол жасаган жол куруучулардын акчасын төлөгөн эмес. Өзү иштей баштаган 3 ай ичинде шаардык бюджеттен 52 млн рубль үнөмдөгөн. Якутск шаарынын жашоочулары бул айымды “керемет айым” деп сыпатташса, кээ бирлери аны популизмге айыпташат.
https://www.youtube.com/watch?v=KFxl0zF8794&feature=youtu.be
КОММЕНТАРИЙ КАЛТЫРУУ