Укук коргоо органдарынын жетекчилери, айрыкча ИИМдин чоңдору крим дүйнөдөгү “каралар” тууралуу ооз ачса, асмандын башын сүйлөп, алардын баарын ооздуктап койгонун айтышат.
Бирок көп учурда алардын андай сөзү иш жүзүнө келгенде башкача болуп чыгып калат. Буга бир далил катары 25-февраль күнү Кой-Ташта катталган кылмышты айтсак болот. Ал күнү милицияга белгисиз адамдын сөөгү табылганын ошол аймакта иштеп жаткан куруучулар кабарлаган. Аны башка атып кетишкен. Иликтөөнүн натыйжасында маркум 23 жаштагы врач-ординатор (Кыргыз-Славян университетинде окуган студент) Атаныук Шерматов экени маалым болду. Маркумдун туугандары ал киши колдуу болуп каза тапты деп эсептеп жатышат. Аны айрым маалыматтарда “каралар” эле атканы айтылууда. Бирок киши колдуу болду деп да эсептегендер бар. Маркумдун туугандары андай маалыматтарды четке кагууда. Маркум бир үйдүн жалгыз уулу болгон. Негизи ИИМ министри Кашкар Жунушалиев “каралардын” жинин какмак түгүл, аларга жумшак мамиле жасап, эркелетип жаткансыйт. Өзү да бош адам эмеспи…
Булак: «Багыт»
КОММЕНТАРИЙ КАЛТЫРУУ