Өзбекстан өкмөтү эски, биометрикалык эмес паспорттордун мөөнөтүн 2019-жылдын 31-декабрына чейин узартты. Тиешелүү токтом 30-июнда кабыл алынган.
Юстиция министрлиги Telegram-каналында билдиргендей, биометрикалык эмес паспорттор бул мөөнөткө чейин чет өлкөгө чыгуу-кирүү учурунда жарамдуу болот.
Өзбекстанда биометрикалык паспортторду берүү 2011-жылы ноябрда башталган. Документти алмаштыруу 2015-жылы аякташы керек болчу, бирок кийин анын мөөнөтү 2018-жылдын 1-июлуна чейин узартылган.
Өлкө ИИМи паспортун алмаштырбаган жарандар үч минималдык айлык көрсөткүчкө чейинки айыппулга жыгыларын эскерткен.
Расмий маалыматтар боюнча июнь айына карата биометрикалык паспорт алгандардын саны 21,194 миллион жаранды (94,9%) түздү.
Булак: «Борбор Азия жаңылыктар кызматы»
КОММЕНТАРИЙ КАЛТЫРУУ