11-мартта Өзбекстан улуттук авиакомпаниясынын паркы Wi-Fi менен жабдылган Airbus компаниясынын A320neo үлгүсүндөгү учагы менен толукталды.
Гамбургдан келген жаңы учак 150 жүргүнчүгө ылайыкташкан. A320neo башка учактардан айырмаланып, күйүүчү майды 20% үнөмдөйт жана 5000 чакырым алыстыкка учууга жөндөмдүү.
Uzbekistan Airways кабарлагандай, Airbus компаниясынан эки учак сатып алуу боюнча келишимге 2017-жылы кол коюлган. Экинчи учак апрель айында келет. 2020-жылы октябрь-ноябрь айларында A320 үлгүсүндөгү үчүнчү учак жеткирилет.
Мындан тышкары Boeing 787 Dreamliner үлгүсүндөгү эки авиалайнерди сатып алуу пландалууда.
2018-жылы 24-декабрда Өзбекстандын улуттук авиакомпаниясына таандык, баасы 200 миллион доллар турган Boeing 787-8 Dreamliner учагы жарактан чыккан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ