Кыргызстанда М.В. Ломоносов атындагы Москва мамлекеттик университетинин филиалы ачылат. Бул тууралуу КР презилентинин аппаратынын тышкы саясат бөлүмүнүн башчысы Данияр Сыдыков маалымат жыйында билдирди.
Анын айтымында, тийиштүу макулдашуу Кыргызстан менен Россиядагы университеттердин ректорлорунун Бишкекте өткөн форумунда жетишилген.
«Форумдун жыйынтыгында 70 документке кол коюлду. МГУнун филиалын ачуу боюнча сүйлөшуүгө жетишилди. Мамлекет башчысы бул маселени өз көзөмөлүнө алды», — деди Сыдыков.
27-мартта Бишкекте өткөн ректорлордун форумунда МГУнун башчысы Виктор Садовничий университеттин филиалын Кыргызстанда ачуу үчүн алты жолу макулдугун бергенин билдирген. Учурда аталган окуу жайдын филиалы алты мамлекетте иштейт.
Булак: «Мантыш»
КОММЕНТАРИЙ КАЛТЫРУУ