Кыргызстандык активисттер Жогорку Кеңештеги депутаттардын санын 120дан 35ке азайтууну талап кылып, онлайн кол топтоп жатышат. Петиция сhаngе.оrg платформасында жүргүзүлүүдө.
Кол топтоо боюнча Алена Хоменко аттуу жаран демилге көтөрүп, ал парламенттеги депутаттардын саны азайса, аларга мамлекет короткон чыгым азайып, бюджетке пайда болорун негиз кылууда.
9-июнда петицияга кол койгондордун саны 3000ден ашты. Демилгечилер 7500 кол топтоону максат кылышкан.
Кыргызстанда 2020-жылы Жогорку Кенешке шайлоо өтөт.
Парламент депутаттары 2015-жылкы шай-оо алдында элге «кызматтык машинелерден, батир сыяктуу артыкчылыктардан баш тартабыз» деп сөз берип, шайлоодон кийин убадасын жарым-жартылай аткарышкан. Жыл сайын Жогорку Кенештин депутаттарын каржылоого 768 миллион сомдон ашык каражат коройт.
Булак: «Мантыш»
КОММЕНТАРИЙ КАЛТЫРУУ