Жашы жете электердин сууга чөгүүсүн эскертүү, андан сырткары ата-энелеринин жана чоңдордун коштоосу жок жүргөн балдарды аныктоо максатында 2019-жылдын 15-июль күнү Кыргыз Республикасынын ИИМдин Коомдук коопсуздук кызматынын Жашы жете электердин арасында укукбузууларды алдын алуу борборунун кызматкерлери Бишкек шаарынын жана Чүй облусунун аймагында сууга түшүү жайларында “Өспүрүм-Жай” аталышындагы рейддик иш-чарасын жүргүзүштү.
Иш-чаранын жүрүшүндө, “Комсомольское” жана “Пионерское”, “ГЭС-5” көлдөрү текшерилди. Натыйжада чоңдордун коштоосу жок көлдөрдө жүргөн 7 жашы жете элек балдар аныкталып, алардын ата-энелери чакырылды. Ошондой эле, жашы жете электердин арасында сууга чөгүп кеткен окуяларды эскертүү боюнча аларга алдын алуу иштери жүргүзүлдү.
КОММЕНТАРИЙ КАЛТЫРУУ