Menu

Тажикстанда кыйноого алууга айыпталган милиция кызматкерлеринин иши сотко өттү

Бөлүшүү:

Тажикстанда кармалган жарандарды кыйноого алган деп айыпталган Душанбе шаардык ички иштер башкармалыгынын төрт кызматкеринин иши сотко өттү.

Тергөө органдарындагы өз булактардын маалыматына караганда, аталган мекеменин Кылмыш иликтөө бөлүмүнүн башчысынын орун басары Фарход Нурхонов, анын кол алдында иштеген эки кызматкер жана дагы бир тергөөчү «Кыйноого алуу» жана «Кызмат абалын кыянат пайдалануу» беренелери боюнча айыпталып жатышат.

Маалыматка караганда, быйыл жыл башында алар Душанбенин тургуну Хамза Солеховду маңзат сатуу айыбы менен кармап, кыйноого алышкан. «Алар баштыкка салынган маңзат алып келишип, ал үйдөн табылды деп протокол түзүшкөн. Андан соң Ички иштер башкармалыгынын имаратына алып барып, маңзат сатуу айыбын мойнума алдыруу үчүн кыйнашты. Кыйноого чыдабай тергөөчүлөрдүн бардык документтерине кол коюп бергем», — деди Солехов.

Ал ошондой эле Фарход Нурхонов менен анын кол алдындагы кызматкерлер кылмыш ишин токтотуу үчүн андан беш миң доллар пара талап кылышканын кошумчалады.

11-январда кол алдындагы кызматкерлерге каршы кылмыш иши козголгондон кийин качып кеткен Фарход Нурхонов 16-февралда Душанбедеги атайын операция маалында кармалган.

Укук коргоо кызматкерлерине каршы козголгон кылмыш иши Душанбе шаардык сотунда каралат. Азырынча сот отуруму кайсыл күнгө дайындалганы белгисиз.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 2 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: