Кечээ, 16-августтун кечинде Кыргызстандагы телеканалдардын биринде таңкы берүүлөрдүн редактору болуп иштеген журналист Диана Айдарова АКШга качып кеткен саясатчы Аскар Шадиев Бишкектеги ресторандардын биринде уулун үйлөп той берип, келин алып жаткандыгын жазды. Тойдун күнөөкөрлөрү Бекбол менен Айдананы коштоп өкүл атасы Азат Базаркулов жубайы менен сүрөткө түшүптүр. Бирок той ээси Аскар Шадиевдин бул тойго катышып жаткандыгы боюнча фотофакт жарыяланган эмес:
“Аскар Шадиев качып кетти деп ызылдамыш эттик эле, ал да унутулду. Мына ошол Шадиев бүгүн борбордогу тойканалардын биринде улуун үйлөп дүңгүрөгөн той өткөрүүдө. Жаштарга өкүл ата болуп “Мегакомдун” экс жетекчиси, азыркы убакта “Акнетти” айгайлатып аткан Азат Базаркулов шайланып, болушунча ачылып-чачылып аткан кези. Шадиевдин болгон катышын, чиновниктерди ушул тойдон табасыңар. Таң калганым бийлик коррупционерлер менен күрөшсө серьезно кармашпайбы. Же эмне Баткенден өтүп кетсе эле унутулуп калабы ?! Шадиев өзүнө ишенсе Бабановго окшоп эле кирип келбейби, качанкыга чейин качып күн көрөт?!”
Диана Айдарова
КОММЕНТАРИЙ КАЛТЫРУУ