ММКлар асылып жатып, абдан белгилүү болуп кеткен ЖК депутаты Искендер Матраимов бүгүн 57 жашка чыкты. Ал коллегалары менен иниси Райымбек кантип куттуктаганы жөнүндө азыноолак айтып берди.
“Мен той өткөрөйүн деген оюмда жок. Биздин үй-бүлөдө андай салтыбыз да жок. Белек деле албадым. Депутаттар телефон чалып куттукташты. Иним Райым да телефондон куттуктады. Эң башкысы – ден соолук деп айтты. Азыр кичи мекеним Кара-Суудамын. Калинин айылындагы 320 орундуу мектептин ачылышына катышам. Мындан өткөн белек болобу! Мектептин курулушуна акча каражатын өкмөт бөлгөн. Мурда балдар эски имаратта эптеп окуп жатышты эле, ырас болду”, – деди Искендер Матраимов.
Булак: KyrgyzToday.kg
КОММЕНТАРИЙ КАЛТЫРУУ