Ак-Талаа райондук салык кызматынын инспектору райондук сот аткаруучулар кызматтык бөлүмүнүн башчысын бычак менен сайып, ал ооруканага жеткирилди. Бул тууралуу бүгүн, 10-декабрда Нарын ОИИБнин басма сөз кызматы билдирди.
Алардын айтымында, 6-декабрда, саат 16:25те Баетов айылынын тургуну милицияга телефон чалып, Ак-Талаа райондук соттун имаратынын ичинде эки адам мушташып жатканын билдирген. Аталган факт боюнча иликтөө жүргөндө, (К.Б.) менен (К.у.З.) өз ара пикир келишпестиктен улам уруша кетишкен. Салык кызматкери машинасынан ашкана бычагын алып чыгып, чатакташа кеткен кишинин бутуна эки жолу сайып жиберген. Жаракат алган адам ооруканага жеткирилген. Бул факт Кылмыштар жана жоуктардын бирдиктүү реестрине катталып, учурда тергөө амалдары жүрүүдө.
Булак: KyrgyzToday.kg
КОММЕНТАРИЙ КАЛТЫРУУ