Президент менен Сауд Арабиясына барган Каржы министри Бактыгүл Жээнбаева хиджаб кийип алып келишимге койгону коомчулукка жакпай, сынга кабылды. Ал боюнча Финансы министрлиги расмий маалымат таратты. Ал төмөндө:
“Расмий визиттин алкагында, министр Бактыгүл Жээнбаева Кыргыз Республикасы менен Сауд өнүктүрүү фондунун ортосундагы Ысык-Көл айланма жолун (Балыкчы—Каракол—Балыкчы) реконструкциялоо долбоору боюнча насыялык макулдашууга кол койгон. Сауд Арабияда аялдардын кийим-кечесине тиешелүү эрежелер бар. Анда аялдардын денеси толугу менен жабык болушу керек. Финансы министри дипломатиялык этикетти кармады. Кабыл алуучу тараптын маданиятын, каада-салттарын жана диний өзгөчөлүктөрүн сыйлайт. Дипломатиялык этикетти сактоо маданиятка болгон сыйлоону түшүндүрөт”.
.Булак: KyrgyzToday.kg
КОММЕНТАРИЙ КАЛТЫРУУ