Кыргызстандагы мектептердин башталгыч жана орто класстарынын мугалимдери Япония өкмөтүнүн бир жылдык агартуучулук программасына катыша алышат. Бул тууралуу Билим берүү жана илим министрлигинин басма сөз кызматы бүгүн, 12-февраль күнү билдирди.
Программа “Жаш окутуучулар үчүн” деп аталат.
Талаптар:
-35 жаштан жогору эмес;
-жалпысынан беш жылдан кем эмес мугалимдик тажрыйба.
Япон тилин кошумча үйрөнүүгө муктаждар Японияга барган соң алты ай ичинде курска катышат.
Талапкерлер билдирме-анкетаны 2020-жылдын 28-февралына чейин (жума күнү) Япония элчилигине бериши керек. Дареги: Бишкек шаары, Раззаков көчөсү 16.
Талапкерлерди тандоо эки этап менен өтөт:
Жазуу жүзүндөгү тест – 2020-жылдын 4-марты.
Маектешүү – 2020-жылдын 11-марты.
Эки сынак тең Адамзатты өнүктүрүү боюнча кыргыз-япон борборунда өтөт.
(Дареги: Бишкек шаары, Турусбеков 109, Ж. Баласагын атындагы КУУ, 7- корпус, 2-кабат).
Жогорку окуу жайлардын окутуучулары бул программага катыша албайт.
Кенен маалымат жана керектүү документтерди шилтемеден таба аласыз
КОММЕНТАРИЙ КАЛТЫРУУ