Премьер-министр Мухаммедкалый Абылгазиев Бишкек шаарынын «Ала-Тоо» аянтындагы 2002-жылы Аксы жана 2010-жылдагы апрель окуяларында элдин эркиндиги үчүн курман болгондордун эстелигине гүл койду. Бул тууралуу өкмөттүн аппаратынын басма сөз кызматы билдирди.
Эскерүү иш-чарасы Жалал-Абад облусунун Аксы районундагы Боспиек айылында 2002-жылдын 17-мартында болуп өткөн каргашалуу окуялардын жылдыгына арналган.
Өкмөт башчы менен биргеликте гүл коюуга биринчи вице-премьер-министр Кубатбек Боронов, Кыргыз Республикасынын вице-премьер-министрлери Эркин Асрандиев, Акрам Мадумаров, Алтынай Өмүрбекова, Кыргыз Республикасынын Өкмөтүнүн Аппарат жетекчиси – министр Самат Кылжыев жана Кыргыз Республикасынын Өкмөтүнүн башка мүчөлөрү катышышты.
КОММЕНТАРИЙ КАЛТЫРУУ