Эми таажывирустун белгилерин жашырган жарандар өз эсебинен дарыланат. Бул тууралуу бүгүн, 15-апрель күнү Ош шаарынын, Ноокат жана Кара-Суу райондорунун коменданты Малик Нурдинов онлайн брифингде билдирди.
“Эгерде ооруну жашыргандар болсо, биз алардын бардыгын таап, обсервацияга жаткырабыз. Бирок, эми алар өз эсебинен дарыланат. Буга чейин жергиликтүү бийликтер жана дарыгерлер, “келип, шектенүүлөр бар-жогун текшерип көр”, деп сунушташты. Бирок, айрымдары ооруну жашыра башташты. Алар билинбей калат деп ойлошкон. Алар биринчи кезекте өздөрүнө зыян келтирет, андан кийин кошунасына, тааныштарына зыян келтирет. Жыйынтыгында аягы жаман болуп бүтүшү мүмкүн” – деп билдирди комендант.
Ао ошондой эле, ооруну жашырып, башкаларга дагы вирусту жуктура турган адамдар болсо, аларга карата кылмыш иш козголорун белгиледи.
Булак: KyrgyzToday.kg
КОММЕНТАРИЙ КАЛТЫРУУ