Күн жылыган сайын көчөдө, сейил бактарда ата-энеле жаш балдары менен сейилдеп, велосипед тээп жүргөнү байкалууда. Бул тууралуу бүгүн, 20-апрелде Өкмөт үйүндө ички иштер министринин орун басары, Бишкек шаарынын коменданты Алмазбек Орозалиев билдирди.
Комендант ата-энелерге кайрылып, балдарына өзгөчө абал жөнүндө түшүндүрүп, үйдө отурууну суранды.
“Кимде ким велосипед менен өзгөчө абалдын талаптарын аткарбай жана санитардык норманы сактабай көчөдө жүрсө, велосипеди убактылуу алынат. Мен түшүнүп турам, балдар эшикке чыгып ойногусу келет. Бирок, мындай жол менен ооруну жеңе албайбыз” – деп билдирди комендант.
КОММЕНТАРИЙ КАЛТЫРУУ