Кыргызстан Өзбекстанга картошканы экспорттоону улантууда. Бул тууралуу бүгүн, 22-апрелде КР Айыл чарба, тамак-аш өнөр жайы жана мелиорация министри Эркинбек Чодуев өкмөттүк онлайн-брифингде билдирди.
Ал коңшу мамлекеттердин импортерлору тарабынан картошканы жапырт сатып алуу тууралуу маалыматты четке какты.
“Бүгүнкү күндө айыл чарба азыктарын экспорттоо жана импорттоо токтогон эмес. Өзбекстанга картошка сатуу фактылары бар, бирок массалык түрдө эмес” – деп билдирди Эркинбек Чодуев.
Анын айтымында, өлкөдө негизги азык-түлүктөрдүн жетишсиздиги жок. “Өсүмдүк майы жетишсиз, бирок бул режимдин көйгөйү”, – деди Эркинбек Чодуев.
Булак: KyrgyzToday.kg
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ