Бүгүн, 28-апрелге карата Бишкекте 74 миң үй-бүлөгө азык-түлүк жардамы берилди. Бул тууралуу өкмөттө өткөн онлайн-брифингде Бишкек шаардык мэриясынын аппарат башчысы Балбак Түлөбаев билдирди.
“Урматтуу шаардыктар! Өзүңүздөр билгендей Бишкек шаары баардык эле дүйнө жүзү менен бирдикте мурда болуп көрбөгөндөй өтө чоң кыйынчылыкка дуушар болуп жатат. Кыргыз тарыхында биринчи жолу ушундай оору менен күрөшүп жатабыз. Биринчи күндөн баштап эле биз баардык бийлик органдары менен биргеликте Бишкек шаарында элдин ден-соолугун жана алардын тамак аш менен камсыз болуу коопсуздугун сактоо максатында бир топ иштерди жүргүздүк. Бишкек шаарында мамлекет жана жергиликтүү ишкерлер тарабынан бүгүн, 28-апрель саат 9га карата 74 миң үй-бүлө азык-түлүк жардамын алды”,- деди Түлөбаев.
Булак: «KyrgyzToday»
КОММЕНТАРИЙ КАЛТЫРУУ