Видео – Каныбек Иманалиев: “Кыргызстанда экономиканы көтөргөн 4 негизги тармак бар, алар – соода, тейлөө, курулуш, текстиль. Элге оболу экономикалык реформа керек”

“Токтомду  жазганда да ылайыктап жазбайсыңарбы! Мына 1-майдан тартып уруксат берилет деп тизмеге жазып жатасыңар.  Кыргызстанда эмне химия  өнөр жайы барбы, машина куруу барбы? Анда кеме куруу, ядро, космостук  өндүрүшкө да 1-майдан уруксат берели деп жазып койбойсунарбы. Казакстандан көчүргөнүңөрдү жашыра албайсыңар! Кыргызстанда экономиканы көтөргөн 4 негизги тармак алар – соода, тейлөө, курулуш, текстиль эмеспи”, – деп сындады депутат Каныбек Иманалиев кечээ, 30-апрелде парламенттин жыйынында.

Эл өкүлү Каныбек Иманалиев элге оболу экономикалык реформа керек экенин белгилеп, бул багытта Өкмөттүн кандай пландары бар экенине кызыкты. Премьер-министр реформаны биринчи кезекте Салык кодексинен баштайбыз,   маселен,  салык жөнөкөйлөштүрүп, анын кээ бир түрлөрүн жоюу керек дейт ал.