Быйыл акыркы коңгуроо аземи онлайн форматта өтөт

“Өлкөдөгү эпидемиологиялык кырдаалга байланыштуу биз акыркы коңгуроону салттуу форматта өткөрө албайбыз. Балдардын ден-соолугун сактоо максатында Билим берүү министрлиги аны 30-майда онлайн режиминде өткөрүүнү чечти. Күн мурун КТРКнын “Замана” студиясында болдум. Тележурналисттер “Мен Бүтүрүүчүмүн” аттуу акциясын башташты. Ал жакка бүтүрүүчүлөрдү куттуктап, сүрөт-видеолорун жөнөтсө болот. Мен бардык ата-энелерге, өлкөбүздүн кадыр-барктуу, белгилүү адамдарына бул иш-чараны колдоо өтүнүчү менен кайрылгым келет. Сиздерден бүтүрүүчүлөрдү куттуктап, аларга кеңеш берип, коштошууңузду суранам” – деди Надира Жусупбекова.