Кыргызстандын Тышкы иштер министрлиги Казакстан жана Иорданиянын тышкы иштер органдары менен биргеликте беш кыргызстандыкты падышалыктан кайтаруу маселесин иштеп чыкты. Бул тууралуу бүгүн, 18-майда ТИМдин басма сөз кызматы билдирди.
Белгиленгендей, Кыргызстандын жарандары “Air Jordanian” авиакомпаниясынын чартердик рейси менен Алматы эл аралык аэропортуна келишкен, андан соң алар атайын транспорт менен Бишкекке жеткирилген. Алардын бардыгы Кыргызстандагы медициналык мекемелеринин биринде көзөмөлгө алынган.
Ошондой эле, министрлик чет мамлекеттердеги кыргыз жарандарын мекенине кайтаруунун мүмкүн болгон жолдорун издөө иштери улантылып жатканын белгилейт.
Булак: KyrgyzToday.kg
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ