Ноокат районунда өзгөчө абал режими алынгандан кийин шаарга келгендердин саны өстү. Мындан улам элдин агымын чектөө максатында шаардын кире беришине кайрадан убактылуу блокпосттор коюлду. Бул тууралуу Ноокат шаарынын мэри Жоомарт Нурдинов билдирди.
“Элдин агымын азайтуу максатында райондук ички иштер бөлүмү, райондун акими менен кеңешип, тартипти күчөттүк. Шаардын кире бериштерине блокпосттор коюлду. Ноокатта коронавирус оорусу чыккан үчүн тартип күчөтүлдү деген божомолдор айтылып жатат. Бул чындыкка дал келбейт. Катуу тартиптин күчү менен бир айдан бери Ноокатта дээрлик оору катталган жок. Күн ара көчөлөр дезинфекцияланууда”, – деди мэр Жоомарт Нурдинов.
КОММЕНТАРИЙ КАЛТЫРУУ