Депутат Садык Шер-Нияз КТРКнын Байкоочу кеңешинин мүчөлөрүн шайлоо өнөктүгүндө ар-намыс менен иштөөгө чакырды. Бул тууралуу ал бүгүн, 8-июнда Жогорку Кеңештин комитет жыйынында билдирди.
“Силерден негизги нерсеге көңүл бурууңуздарды суранам. Шайлоо өнөктүгү жакындап калды. Шайлоо өнөктүгүндө улуттук канал болгондуктан КТРК негизги ролду аткарат. Шайлоо учурунда маданиятыбызга ыплас оюндар жүрөт. Буга чейин да Байкоочу кеңешке айтып келгем. Ушундай болушу күтүлүшү мүмкүн. Ошол шайлоо өнөктүгүндө сиздер активдүү болуп, ар-намысыңыздар, абийириңиздер менен иштеп берүүңүздөрдү суранат элем. Анткени бирөөгө көө жабуудан ошол инсандын башка жолун, үй-бүлөсү, укугу бар экенин ойлосок, ушул руханий принциптерди кармап, бекем туруп берсеңер шайлоо өнөктүгү таза болот, калыс болот”, – деди депутат.
Булак: KyrgyzToday.kg
КОММЕНТАРИЙ КАЛТЫРУУ