Кытай окумуштуулары COVID-19га каршы маймылдарга жасалган вакцинанын сыноосунун жыйынтыктарын жарыялашты.
Вакцина SARS-CoV-2 вирусуна каршы туруктуу коргоочу касиетке ээ экенин көрсөткөн. Бул тууралуу “Синьхуа” Cell журналына жарык көргөн илимий макалага таянуу менен билдирди.
Вакцинада инфекциялык ооруларды козгогон өлгөн микроорганизмдер колдонулган.
BBIBP-CorV препаратын Пекин биологиялык продукциялар институту, Кытайдын Оорулардын алдын алуу жана көзөмөлдөө борбору, Медициналык илимдер академиясы биргеликте сынаган.
Маалыматка караганда, антитело организм клеткаларын патогендик же инфекциялык бөлүкчөлөрдөн коргоп, алардын биологиялык активдүүлүгүн жок кылат.
Мындан тышкары вакцина өндүрүштө жогорку өнүмдүүлүгү жана генетикалык туруктуулугу менен айырмаланат.
Соңку айларда көптөгөн өлкөлөрдө окумуштуулар коронавирустун жаңы тибинин вакцинасын сыноону башташкан. Айрымдар эксперименттерди жаныбарларга, кээ бири кишилерге жасоодо. Эгер вакцинанын тестирлөөнүн методикасы өзгөрбөсө, сыноолордун жыйынтыгы бир жарым жылдан кийин белгилүү болору айтылууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ