Бүгүн, 17-июнда Жогорку Кеңештин жыйыны өтүүдө.
“Быйыл саясий шайлоону мыйзамдуу өткөрүшүңөр керек. Кээ бирлери шайлоодон кийинки кырдаалды күчөтүүгө аракет кылышы мүмкүн. Кандай оор кырдаал болбосун, акыйкат чечим менен жумушуңарды мыйзамдуу аткаргыла. Бир дагы партияга басым көрсөтпөстөн иштеп кете аласыздарбы?” – деп сурады депутат Төрөбай Зулпукаров.
“Кечээ күнү көпчүлүк коалиция бизге ишеним көрсөткөндөн кийин, президент кабыл алды. Мамлекет башчынын биринчи талабы дагы акыйкат шайлоо өткөрүү болду. Биздин эркибиз бар, анын үстүндө иштейбиз. Буга чейин дагы ушундай штабдарда иштеп келгенбиз. Аны жүргүзгөнгө биздин мүмкүнчүлүгүбүз бар”, – деп айтты Кубатбек Боронов.
Ошондой эле, Кубатбек Бороновдун сөзүн кошумчалап, Алмазбек Баатырбеков да таза шайлоо өткөргөнгө күч аракеттерин жумшаарын белгиледи.
“Тарыхты карап келсек, эки жолу шайлоодо элдин нааразычылыгы болгон. Андай мүчүлүштүктөрдү кетирбейбиз. Таза шайлоо өткөргөнгө болгон күч аракетибизди жумшайбыз”, – деди Алмазбек Баатырбеков.
Булак: KyrgyzToday.kg
КОММЕНТАРИЙ КАЛТЫРУУ