Президент Сооронбай Жээнбеков: “Топтошуп, социалдык дистанцияны сактабай, бет капсыз сүрөткө түшкөн өкмөт мүчөлөрү, баарыңар айып пул төлөшүңөр керек”

«Өкмөт мүчөлөрү топтошуп, социалдык дистанцияны сактабай, бет капсыз сүрөткө түшүштү. Бул сүрөт бүт өлкөгө тарады. Мындай нерселер аракеттерибиздин баарын жокко чыгарат», – деп баса белгиледи Кыргыз Республикасынын Президенти Сооронбай Жээнбеков бүгүн, 19-июнда, чакан курамдагы Коопсуздук кеңешинин жыйынында.

«Бул чаралар Өкмөт Аппаратынын катардагы  кызматкерлерине карата колдонулбашы керек. Алар, менимче, башчыларынын буйругу боюнча чыгышкан. Баарыңар айып пул төлөшүңөр керек», — деп баса белгиледи Мамлекет башчысы, Кыргыз Республикасынын Коопсуздук кеңешинин чакан курамдагы жыйынына катышкан Өкмөт мүчөлөрүнө кайрылып жатып.