УКМК депутат Максат Сабировдун аудиожазмасы боюнча тергөө ишин баштады

Социалдык тармактарда депутат Максат Сабировдун билдирүүсү делип, анын үнү менен тараган аудиожазма боюнча тергөө иши баштады. Бул тууралуу УКМКнын басма сөз кызматы билдирди.

“Бул кайрылууда конституциялык түзүлүштү өзгөртүүгө үндөгөн бузууга чакырык ташталганы боюнча иш-чаралардын алкагында зарыл экспертизалар дайындалат”, – деп айылат маалыматта.

Натыйжалардын негизинде укуктук баа берилет жана мыйзамдын чегинде чаралар көрүлөт.

Белгилей кетсек, социалдык тармактарда Максат Сабировдун аудиожазмасы таркатылып, анда бийликтин аракетсиздигин сынга алган.