Бишкекте парламенттик шайлоону жылдырууну талап кылган митингдин уюштуруучуларын милиция кызматкерлери кармап кетти

Митинг башталарга аз убакыт калганда милиция кызматкерлери уюштуруу комитетинин эки мүчөсүн кармап кетишкен. Ошондой эле митингдин 6 катышуучусун да укук коргоо органдары кармап кетишкен.

Активисттер төмөндөгүдөй талап менен митинг өткөрүүнү пландаштырышкан:

– бүткүл өлкө боюнча өзгөчө абал режимин киргизүү;

– ЖКнын 2020-жылдын 4-октябрында өтүүчү шайлоону белгисиз мөөнөткө жылдыруу;

– шайлоо үчүн каралган бардык ресурстарды республиканын калкына медициналык жардам берүүгө багыттоо;

– Беш жылдык ыйгарым укуктун мөөнөтү аяктаганда, 2020-жылдын октябрында Жогорку Кеңеш өз ишин токтотушу керек, анткени мыйзам чыгаруу органынын конституциялык мөөнөтү аяктаганда жасаган бардык чечимдери жана аракеттери мыйзамсыз деп табылат;

– ЖК жаңы чакырылышы түзүлгөнгө чейин, Жогорку Кеңеш тарабынан каралган бардык каражаттар калкка жардам берүүгө багытталышы керек;

-президент фракциялардын лидерлери, саясий партиялардын өкүлдөрү, коомдук кыймылдар жана бейөкмөт уюмдар менен кризиске каршы өкмөтүн түзүү боюнча сүйлөшүүлөрдү башташы керек;

-өкмөт өзүнүн жөндөмсүздүгүн моюнга алып, өз ыктыяры менен отставкага кетиши керек;