«Өнүгүү-Прогресс» парламенттик фракциясынын мүчөсү Зиядин Жамалдинов БШКга өзүнүн ыйгарым укуктарын мөөнөтүнөн мурда токтотуу жөнүндө арызын берди. Бул тууралуу департаменттин басма сөз кызматы билдирди.
Айрым маалыматтар боюнча, ал “Бүтүн Кыргызстан” партиясынын тизмеси боюнча жетинчи чакырылышка ат салышат.
24-августта саат 18.00гө чейин, саясий партиялардын ыйгарым укуктуу өкүлдөрү талапкерлердин тизмесин каттоо үчүн БШКга документтерди тапшырышы керек. Ошол эле учурда, талапкерлердин тизмеси жана алар жөнүндө маалыматтар БШК бекиткен формага ылайык кагаз жана электрондук варианттарда берилет.
10 күндүн ичинде берилген маалыматтар текшерилет жана 4-сентябрга чейин депутаттыкка талапкерлердин тизмеси катталат.
Үгүт иштери 4-сентябрда башталат.
КОММЕНТАРИЙ КАЛТЫРУУ